கவிதை, கவிதையைத் தவிர வேறில்லை..5

கவிதை எழுதுவதைக்
கைவிடுவதெனத் தீர்மானித்தும்
இன்னும் விட்டபாடில்லை..

பின்பு
அது குறித்தும்
கவிதை புனைந்தாயிற்று..
.
.

குறுங்கவிதைகள்

1.சிறகசைத்து மேலெழும்பும் பறவைகள்
பின் வீழ்கின்றன
சில இறகுகள்.

2.பெய்யும் மழை
நனைந்து கொண்டிருக்கிறது
வறண்ட ஆறு.

3.கொள்ளை அழகு
எப்படி அழைப்பேன்?
பெயர் தெரியாத பூ.
.
.

குறுங்கவிதை

சற்று முன்
நிலவை மறைத்திருந்த மேகம்
விலகிவிட்டது
ஆயினும்
கலங்கியிருக்கிறது குளம்
இப்போது.
.
.

குறுங்கவிதைகள்

.
1. அமாவாசை இருட்டு

    எதையோ தேடிக்கொண்டிருக்கின்றன 

    மின்மினிப் பூச்சிகள்.

2. பெருமழைக்கு அச்சாரம்

    இச்சிறு தூறலே போதும்

    மண்வாசம்.

3. எப்போது இறங்கியதெனத்  தெரியவில்லை

    நீராடிக் கொண்டிருக்கிறது

    குளத்தில் நிலா.  

4. ஆடைகள் அர்த்தமற்றவை

    அவிழ்த்தெறிகிறேன்

    இளவேனிற்கால நண்பகல்.

5. ஆடைகள் அர்த்தமுள்ளவை

    மேலும் மேலும் அணிகிறேன் 

    முன்பனிக்கால இரவு.

6. சோறுண்ண அடம்பிடிக்கும் குழந்தை

    வேடிக்கை பார்க்கிறது வெளியே 

    நாக்கில் நீர் சொட்டச் சொட்ட தெருநாய்.

7. அழகுப் பெண் 

    அருகில் அழகுக் குழந்தை

    தொலைந்த காமம்.

8. ஊற்றெடுக்கும் கவிதை

    எழுதியே ஆக வேண்டும்  

    மை தீர்ந்த பேனா.

9. ஓய்வைத் தேடும் கால்கள்

    சோராதிருக்கிறது மனம்

    இன்னும் முடியாத பயணம்.
.
.

குறுங்கவிதை

பெருங்காற்று

ஆர்ப்பரிக்கிறது மரம்

அமைதியாய் உறங்கிக் கொண்டிருக்கிறது

காக்கைக் கூட்டில் 

குயில் குஞ்சு..!

.

. 

குறுங்கவிதை

.
.
எரிச்சலூட்டுவதாய்
இருக்கிறது
இந்த மழைக்காலம்..

போன மழைக்காலத்தில்
என்னோடு இருந்தாய்
நீ..!
.
.

குறுங்கவிதைகள்

.
.
ஊர்த் திருவிழா

ரசித்துக் கொண்டிருக்கிறேன்

தொலைக்காட்சி நிகழ்ச்சிகளை.
.
.

குறுங்கவிதைகள்

.
.
அமாவாசை இருட்டில்

தேடியும் கிடைக்கவில்லை

நிலவு.
.
.

குறுங்கவிதைகள்

.
.
கடலைப்  போலவும்  இல்லை

மேகத்தைப் போலவும் இல்லை

மழை.
.
.

குறுங்கவிதைகள்

.
.
மழை பெய்து  கொண்டிருக்கிறது

கரையாமல் இருக்கிறது

வானவில்.
.
.

குறுங்கவிதைகள்

.
.
எதுவுமே தெரியவில்லை

எதைக் கண்டு பயம்

இருளில்.
.
.

குறுங்கவிதைகள்

.
.
துரத்திக் கொண்டிருக்கிறேன்

தொலைவில்  ஓடிக்கொண்டிருக்கிறது

வாழ்க்கை.
.
.